الجنس : عدد المساهمات : 543نقاط : 12596السٌّمعَة : 3تاريخ التسجيل : 05/02/2011العمر : 31الموقع : العراق/ بغداد
موضوع: شرح طريقة تنصيب النانو ستيشن بالصور الإثنين 27 فبراير 2012, 10:00 pm
السلام عليكم طريقة تنصيب نانو ستيشن اولا اذا كنت رابط على مركز من قبل لازم نعيد النانو من جديد على الصفر و اذا كانت النانوجديدة ما اكو حاجة تعيدهة للصفر اول شي حتة نعيدها للصفر لازم نشغل النانو ستيشن و ناخذ ابرة او بسما او اي شي مدبب و نصعد للنانو و نفتح الغطاء الخلفي راح نشوف اكو زر صغير موجود في داخل النانو نضغط على الزر بالبسمار او اي شي لمدة عشر ثواني او اكثر و هي النانو مشتغلة لحد ما يشتغل الاضواء كلهم و بعدين نرجع نحط الغطاء و نرجع للكمبيوتر و بهاي الحالة احنة رستنة النانو و رجعناها للصفر و هسة اجة الوقت حتة نغير ايبيات الكمبيوتر حتة نكون على نفس الرينج الي بيهة رينج النانو و نكدر ندخل على النانو و هسة بعد ما رستنة النانو نروح على start > control panel > network connections >
و بعدين نضغط كلك ايمن على Local Area Connection و بعدين على اخر اختيار properties و بعدين tcp/ip و بعديننغير ايبيات الكمبيوتر و نخلي مثل ما في الصورة
و نحط هذه الايبيات 192.168.1.100 255.255.255.0 ok ok
خلصنةالخطوة الثانية اذا الخطوة الاولة اعادة الانو ستيشن للصفر و ثانيا نغير ايبيات الكمبيوتر و هسة الخطوة الثالث الي بيهة ندخل على النانو نروح على اي متصفح و نكتب بشريط العنوان ايبيات النانو
192.168.1.20
و بعدين راح يطلب من عدنة يوز نيم و باسورد و راح ندخل ubnt ubnt اليوزر نيم و الباسورد
و بعدين راح يطلع عدنة مثل ما في الصورة
main
الصفحة الرئيسية و الي نكدر فيها نشوف قوة الاشارة و المركز الي احنة مكنكين عليه اول خطوة نروح على network
و نغير ايبيات النانو حتة لمن نربط على مركز ما يصير عدنة تضارب ايبيات مع مشترك اخر و هذا خطأ كبير انوما تغير الايبي لذالك لازم نغير الاي بي و نخلي مثلا بدل الرقم الاخير 20 و نحط مكانه 80 و نسوي مثل الخطوات الي في الصورة
و بعدين احنة لما غيرنة الايبي لازم نرجع من المتصفح ندخل على الاي بي الجديد و نكتب بالمتصفح
192.168.1.80
و بعدين نروح على
advanced
حتة نغير اعدادت النانو حسب المركز اذا كان بث المركز عمودي او افقي مثل مافي الصورة و نحفظ الاعدادات و نضغط على change
و بعدين apply
لازم بعد كل عمليه نسويها لازم نضغط على change >>> apply
حتة تحفظ الاعدادت و هسة اجة الوقت الي بي نختار المركز و نروح على link setup
حتة نختار المركز الي اشارتة اقوى و نربط عليه مثل ما في الصورة
و نظغط على select حتة نحدد المركزز الي نريد نختاره راح تفتح عدنة نافذة راح يطلع بيهة المراكز و نشوف اي مركز اشارة
dbm
المفروض كلما كانت dbm
اقل اشارة كانت افضل مثل ما مأشر بالصورة اذا كانت الدي بي عالية اكثر من 70 تكون الاشارة سيئة يجب ان تكون الدي بي 70 و اقل و بعدين اذا شفنة مركز جيد نحدده و نختار select
و اذا ما طلع مركز جيد و نريد نبح من جديد على اشارة نضغط على scan
لبحث على المركز من جديد و مثل ما كلنة لما نطبق اي خطوة لازم نضغط بعدها على change >> apply
و بعد ما اختارينة مركز نروح على
main
حتة نشوف قوش الاشارة و الدي بي مثل ما في الصورة لازم يكون الدي بي قليل و الاشارة الملونة عالية و هسة كملنة خطوات و الي هي 1-ترسيت النانو 2- تغير ايبي الكمبيوتر 3- الدخول على النانو من المتصفح 4- تغيرر اعدادات الناو حسب المركز 5- حفظ للاعدادات بعد التغير 6- اختيار مركز اقل اشارة دي بي 7-حفظ المركز المختار و هسة لازم نرجع ايبيات الحاسبة الى طبيعتها و نمسح الي كتبناه و الي هو ا
192.168.1.100 255.255.255.0
و نخلي مكانهة فارغ و نضغط ok ok
و هسة كملنا و اختارينة المركز بس خل نجرب المركز الي اختاريناه و نجرب سرعة الارسال و الاستقبال عليه حتة اذا مو زين نجرب غير مركز احنة اكيد مشتركين وية المركز و منطينة يوزر نيم و باسورد للبرودباند حتة نفتح نت بي نروح على Broadband Connection و نخلي اليوز نيم و الباسورد و اذا طلعت هاي الكتابة و ربط كلش حلو بس اذا طلعت هاي الكتابة الي بالصورة معناها المركز الي ربطنة عليه مو زين و ما جاي يربطنة بالسرفر اي احنة ما جاي نوصل للمركز الي ربطنة عليه و اذا ربطنة برودباند و اشتغل نت نروح نفحص السرعه مثل ما بي الصورة
كل ما كان الرقم الي بالملي سكند اقل كان السرعة جيدة و ممتازة اذا كانت مثل ما بي الصورة من 200- 300 و اذا طلع ريكوستات هواي مثل الي مأشر عليهة بالاحمر يعني السرعة موزينة و ما جاي يرسل و يسلم الكمبيوتر من المركز او الموقع و اذا طلعت ريكوستات قليلية بين كل عشرين رد ريكوست او 2 ما عليهة شي هذا طبيعي و اذا طلعن هواي نجرب نغير مركز و نفحص من جديد
الرئيسية
موضوع: شرح طريقة تنصيب النانو ستيشن بالصور 
